ക്ലാസ്2

ദൈവം സൃഷ്ടിച്ച മനുഷ്യന്‍ ദൈവം സ്യഷ്ടിച്ചവയില്‍ നിന്നെല്ലാം വ്യത്യസ്തമായി അവിടുന്ന് മനുഷ്യനെ സ്യഷ്ടിക്കുന്ന രംഗമാണ് ഈ പാഠത്തിന്‍റെ പ്രതിപാദ്യം. ദൈവത്തിന്‍റെ ഛായയും സാദ്യശ്യവും സ്വീകരിച്ചിരിക്കുന്ന നാം ചുറ്റുമുളളവരില്‍ ദൈവത്തെ കാണാനും അവരെ ബഹുമാനിക്കാനും ആദരിക്കുവാനും കടപ്പെട്ടിരിക്കുന്നു എന്ന മനോഭാവം കുട്ടികളില്‍ വളര്‍ത്താന്‍ ഈ പാഠത്തിലൂടെ അദ്ധ്യാപകര്‍ ശ്രദ്ധിക്കണം.

ദൈവം മനുഷ്യനെ സ്യഷ്ടിച്ചതിന്‍റെ ആത്യന്തികലക്ഷ്യം ദൈവത്തോടൊപ്പം ആയിരിക്കുക എന്നതാണ്. ദൈവം കൂടെയുളളപ്പോള്‍ ആദവും ഹവ്വായും അനുഭവിച്ച സൗഭാഗ്യങ്ങളുടെ അവതരണമാണ് ഈ പാഠത്തിന്‍റെ ഉളളടക്കം. ദൈവത്തോട് ചേര്‍ന്നു നില്‍ക്കുന്നവരുടെ ജീവിതം എപ്പോഴും സന്തോഷവും സമാധാനവും നിറഞ്ഞതായിരിക്കുമെന്ന സന്ദേശവും ഈ പാഠം നല്‍ക്കുന്നു.

ദൈവത്തില്‍ നിന്ന് അകലുന്ന മനുഷ്യന്‍ ദൈവകല്പന ലംഘിച്ച് ദൈവത്തില്‍ നിന്ന് അകലുന്ന മനുഷ്യന്‍റെ ചരിത്രം അവതരിപ്പിക്കുകയാണ് ഈ പാഠത്തിന്‍റെ ഉദ്ദേശ്യം. പാപം നമ്മെ ദൈവത്തില്‍ നിന്നകറ്റുന്നു. നാം ദൈവത്തോട് ചേര്‍ന്നു നില്‍ക്കുന്നത് സാത്താന് ഇഷ്ടമില്ലാത്തതിനാല്‍ തിന്‍മ ചെയ്യാന്‍ പ്രേരിപ്പിച്ചുകൊണ്ടിരിക്കും. ദൈവത്തില്‍ നിന്നും നമ്മെ അകറ്റുന്ന നമ്മിലെ തെറ്റുകളെ ഉപേക്ഷിക്കാന്‍ നാം തയ്യാറാകണം.

പാപവും അതിന്‍റെ അനന്തര ഫലങ്ങളുമാണ് ഈ പാഠത്തിലെ പ്രതിപാദ്യ വിഷയം. നാം ചെയ്യുന്ന തെറ്റുകള്‍ ദൈവത്തെ വേദനിപ്പിക്കുന്നതോടൊപ്പം നമ്മിലെ സന്തോഷത്തെ നഷ്ടമാക്കുകയും ചെയ്യുന്നു. എന്‍റെ ചിന്തയും വാക്കും പ്രവൃത്തിയും മൂലം ദൈവത്തെ വേദനിപ്പിക്കുന്ന സാഹചര്യത്തില്‍ നിന്നും അകന്നു നില്‍ക്കേണ്ടതിന്‍റെ ആവശ്യകതയെ കുട്ടികള്‍ക്ക് മനസിലാക്കി കൊടുക്കുവാന്‍ അദ്ധ്യപകര്‍ക്ക് ഈ പാഠത്തിലൂടെ സാധിക്കണം.

രക്ഷകനെ വാഗ്ദാനം ചെയ്യുന്ന ദൈവം പാപം ചെയ്ത മനുഷ്യനെ ദൈവം ഏദന്‍തോട്ടത്തില്‍ നിന്നു പുറത്താക്കുന്നതും അതു മൂലമുണ്ടായ ദുരിതങ്ങളും ദൈവം അവരോട് കരുണകാണിക്കുന്നതും, രക്ഷവാഗ്ദാനം ചെയ്യുന്നതുമായ സംഭവമാണ് ഈ പാഠത്തില്‍ വിവരിക്കുന്നത്, പാപത്തില്‍ വീണാലും അവിടുത്തെ കരുണയില്‍ ആശ്രയിച്ച് രക്ഷയുടെ അനുഭവത്തിലേക്കു വരുവാനുള്ള സാധ്യതകള്‍ ഉണ്ട് എന്ന സന്ദേശവും ഈ പാഠത്തില്‍ ഉള്‍ക്കൊളളുന്നു.

ഈശോയുടെ ജനനത്തെക്കുറിച്ചുളള അറിയിപ്പും അതിനോട് പൂര്‍ണമായും സഹകരിക്കുന്ന പരിശുദ്ധ അമ്മയെയും ആണ് ഈ പാഠത്തില്‍ അവതരിപ്പിക്കുന്നത്. നന്‍മ നിറഞ്ഞ മറിയത്തിന്‍റെ ജീവിതമാണ് ദൈവപ്രീതിക്ക് കാരണമായത്. മാതാപിതാക്കളിലൂടെയും സഹോദരങ്ങളിലൂടെയും ദൈവം നമ്മോട് ആവശ്യപ്പെടുന്ന കാര്യങ്ങള്‍ സന്തോഷത്തോടെ അനുസരിക്കുന്ന നല്ല ശീലം വളര്‍ത്തുവാന്‍ ഈ പാഠം സഹായിക്കുന്നു.

രക്ഷകനായ ഈശോയുടെ ജനനത്തെയും അതിന്‍റെ സാഹചര്യങ്ങളെയും അവതരിപ്പിക്കുകയാണ് ഈ പാഠത്തിന്‍റെ ലക്ഷ്യം. രക്ഷകന്‍റെ ജനനം രാജകൊട്ടാരങ്ങളിലോ മണിമാളികയിലോ ആയിരുന്നില്ല. ദൈവപുത്രന് പിറക്കാന്‍ ലഭിച്ചത് വെറും കാലിത്തൊഴു ത്തായിരുന്നു. വിനയത്തിന്‍റെയും ലാളിത്യത്തിന്‍റെയും മാത്യക സ്വന്തമാക്കുവാന്‍ അവിടുന്ന് നമ്മെയും ക്ഷണിക്കുന്നു എന്ന സന്ദേശമാണ് ഈ പാഠം നമുക്ക് നല്‍ക്കുന്നത്.

ഈശോയുടെ ജനനം ഹേറോദേസില്‍ അസ്വസ്ഥത ഉളവാക്കുന്നതും അതുമൂലം ഈശോയെ വധിക്കാന്‍ തീരൂമാനിക്കുന്നതും, ജീവരക്ഷാര്‍ത്ഥം ഈജിപ്തിലേക്കുളള പലായനവുമാണ് ഈ പാഠത്തില്‍ വിവരിക്കുന്നത്, ഈശോയാകുന്ന രക്ഷകനെ കണ്ടെത്തി ആരാധിക്കുവാനും, ആ രക്ഷകന്‍റെ അടുക്കലേക്ക് ഏവരെയും എത്തിക്കുന്ന വഴികാട്ടിയാകുവാനുളള വിളിയാണ് ഒരു ക്രൈസ്തവനുള്ളത് എന്ന സന്ദേശമാണ് ഈ പാഠം നമുക്ക് നല്‍ക്കുന്നത്.

പിതാവായ ദൈവം തന്‍റെ പുത്രനെ ലോകത്തിനു വെളിപ്പെടുത്തുന്ന രംഗമാണ് പാഠാവതരണം. 30 വര്‍ഷത്തോളം നസ്രത്തിലെ കൊച്ചുവീട്ടില്‍ ആരാലും അറിയപ്പെടാതെ മാതാപിതാക്കളോടെപ്പം ജീവിച്ചു. ജ്ഞാനസ്നാനവേളയില്‍ പിതാവായ ദൈവം പുത്രനെ ലോകത്തിന് വെളിപ്പെടുത്തുകയാണ്. മാമ്മോദീസായിലൂടെ ദൈവത്തിന്‍റെ മക്കളായ നാമും ദൈവമക്കള്‍ക്കുയോഗ്യമായ ജീവിതം നയിക്കാന്‍ വിളിക്കപ്പെട്ടിരിക്കുന്നു എന്ന സന്ദേശമാണ് നല്‍ക്കുന്നത്.

ഈശോ തന്‍റെ ദൗത്യം ആരംഭിക്കുന്നതും ശിഷ്യരെ തിരഞ്ഞെടുക്കുന്നതുമാണ് ഈ പാഠത്തില്‍ വിവരിക്കുന്നത്. സുവിശേഷം പ്രസംഗിച്ചും അത്ഭുതങ്ങളും അടയാളങ്ങളും പ്രവര്‍ത്തിച്ചും ഈശോ എല്ലാവര്‍ക്കും എല്ലാമായി മാറുകയാണ്. നാമോരോരുത്തരും നമ്മുടെ കുടുംബത്തിലും സമൂഹത്തിലും പ്രവര്‍ത്തനരംഗങ്ങളിലും ക്രിസ്തുവിനെ അനുകരിക്കേണ്ടവരാണ് എന്ന സന്ദേശമാണ് നല്‍ക്കുന്നത്.

ഈശോയുടെ പ്രബോധനങ്ങളുടെയെല്ലാം സംഗ്രഹമാണ് ഈ പാഠത്തിന്‍റെ പ്രതിപാദ്യ വിഷയം. ഈശോ പഠിപ്പിച്ച കാര്യങ്ങള്‍ അവിടുന്ന് ജീവിതത്തില്‍ പ്രാവര്‍ത്തികമാക്കിക്കൊണ്ട് ലോകത്തിന് മാത്യകയാവുകയും ചെയ്തു. ഈശോയുടെ വ്യക്തിത്വസവി ശേഷതകള്‍ ജീവിതത്തില്‍ പകര്‍ത്തി മറ്റൊരു ക്രിസ്തുവായി മാറാനുളള വിളിയാണ് ഏതൊരു ക്രൈസ്തവനും ലഭിച്ചിരിക്കുന്നത്. എന്ന ബോധ്യത്തില്‍ വളരുവാന്‍ ഈ പാഠം നമ്മെ സഹായിക്കുന്നു.

ഈശോയുടെ കാരുണ്യത്തിന്‍റെ ഭാവത്തെ വിവിധ സംഭവങ്ങളിലൂടെ അവതരിപ്പിക്കുകയാണ് ഈ പാഠത്തിന്‍റെ ഉദ്ദേശ്യം. വേദനയോടെ തന്നെ സമീപിച്ചവരെയൊന്നും കൈവെടിയാതെ അവരുടെ വേദനയില്‍ പങ്കുചേരുന്ന ഈശേയാണ് നമുക്കു മാതൃക. കുട്ടികളിലെ കരുണയുടെ ഭാവത്തെ വളര്‍ത്തുവാന്‍ സഹായിക്കുന്ന പരിശീലനംകൂടി കൊടുക്കാന്‍ ഈ പാഠത്തിലൂടെ അദ്ധ്യാപകര്‍ ശ്രദ്ധിക്കണം.

ഈശോ തന്‍റെ അടുക്കല്‍ വന്നവരെ ആത്മീയവും ശാരീരികവുമായ ഭക്ഷണം നല്‍ക്കി സംത്യപ്തരാക്കുന്ന സംഭവത്തെയാണ് ഈ പാഠത്തിലൂടെ വിവരിക്കുന്നത്. നമ്മുടെ എല്ലാ ആവശ്യങ്ങളും അറിയുന്ന ഈശോയുടെ അടുക്കല്‍ നിന്നും അനുഗ്രഹങ്ങള്‍ സ്വീകരിക്കുകയും നമുക്കുളളവ മറ്റുള്ളവരുമായി പങ്കുവയ്ക്കുകയും ചെയ്യുന്ന നല്ല ശീലം കുട്ടികളില്‍ വളര്‍ത്താന്‍ പ്രചോദനമാകുംവിധം ഈ പാഠം അവതരിപ്പിക്കുവാന്‍ അദ്ധ്യാപകര്‍ ശ്രദ്ധിക്കണം

ഈശോയുടെ പീഢാസഹനങ്ങളെയും കുരിശുമരണത്തെയും വിവരിക്കുകയാണ് ഈ പാഠത്തിന്‍റെ ഉദ്ദേശ്യം. ഈശോയുടെ കുരിശുമരണമാണ് നമുക്ക് രക്ഷ നേടിതന്നത്. തെറ്റുചെയ്ത് ഈശോയെ വേദനിപ്പിക്കാതിരിക്കുവാനും ഈശോ ക്ഷമിച്ചതുപോലെ നാമും മറ്റുളളവരോട് ക്ഷമിക്കണമെന്നുമുളള സന്ദേശമാണ് ഈ പാഠം നമുക്ക് നല്‍കുന്നത്.

മരണത്തെ പരാജയപ്പെടുത്തി തന്‍റെ ഉയിര്‍പ്പിലൂടെ അവിടുന്ന് ദൈവപുത്രനാണെന്ന് തെളിയിക്കുകയാണ്. മരണത്തെയും മരണാനന്തരജീവിതത്തെയും കുറിച്ചുളള ഓര്‍മ പ്പെടുത്തലാണ് ഈശോയുടെ ഉത്ഥാനം. സ്വര്‍ഗ്ഗോډുഖരായി ജീവിക്കുന്ന നാം മരണത്തിലൂടെ ദൈവവുമായി ഐക്യത്തിലാവുകയാണെന്നുളള സന്ദേശമാണ് പാഠാവതരണത്തിലൂടെ അദ്ധ്യാപകര്‍ കുട്ടികള്‍ക്കു നല്‍കേണ്ടത്.